सद्गुरू मोरे माऊली संस्थान पंढरपूर यांच्या वतीने कृष्णा कदम वैद्यकीय मदत कक्षाचा सत्कार

पोलादपूर, संदिप जाबडे

सद्गुरू मोरे माऊली संस्थान पंढरपूर यांच्या वतीने यांच्या वतीने मूर्तीची प्राणप्रतिष्ठा, समाधी स्थापना व मंदिर उदघाटन सोहळा २६ ऑक्टोबर २०२५ ते ०३ नोव्हेंबर २०२५ दरम्यान पार पडला. भक्त निवास लोकार्पण सोहळा निमित्ताने ग्रंथराज ज्ञानेश्वरी पारायण व कार्तिकी वारी कीर्तन सोहळा देखील मोठ्या उत्साहात पार पडला. संत सद्गुरू मोरे माऊली संस्थान पंढरपूर यांच्या वतीने रविवार दिनांक २ नोव्हेंबर २०२५ रोजी कृष्णा कदम वैद्यकीय मदत कक्षाचा सन्मान ग्रामीण अध्यक्ष अनंत पार्टे, सचिव लक्ष्मण मोरे, मुंबई कमिटीचे सचिव लहू महाराज मोरे, दीपक सपकाळ, शांताराम निकम, उत्तम जाधव, पत्रकार शिवराज पार्टे इत्यादी मान्यवरांच्या हस्ते सपत्नीक सत्कार करण्यात आला.